ملتقي العرب بالمملكة المتحدة - الميز

    مدونة عادل المريض هي مساحة لنشر ما اعتقد فيه الفائدة
    وقت القراءة: 1 دقيقة (248 كلمات/كلمة)

    ثلاثة في ليبيا


    ثلاثة يتمناهم الليبيين: السكن في طرابلس ... والعلاج في تونس ... والوصول لسن التقاعد.

    ثلاثة ما تحلمش بيهم : السفر للسياحة ... وتصيف مع عايلتك ... وكأس العالم في ليبيا.

    ثلاثة صعب نتخلى عنها : الماء ... والهواء ... والبازين .

     

    ثلاثة تسبب الإحباط : الواسطة ... و الديون ... والمنتخب الليبي .

    ثلاثة يرفعوا الضغط : الملح ... وزحمة المرور ... والعيل كان عشش .

    ثلاثة تسبب الغرور : الفيلا ... والهمر ... وبدلة الحرس البلدي .

    ثلاثة مايحبوهمش الليبيين: التعليم ... و المصريين ... والشبشب المقلوب.

    ثلاثة ما يرقدوش الليل : المديون ... والخانب ... وواحد نايضة عليه السوسة .

    ثلاثة شبه اختفوا من ليبيا : الدلاع الطويل ... واحترام الشيابين ... والفراشية .

    ثلاثة ما تحسش بطعمتهم الا في ليبيا : شاهي العاله... وامبكبة على الحطب ...والبورديم .


    ثلاثة تدعو لهم بالهداية : البلعوط ... والمحسدي ... واللي يشجع في نادي الوحدة.

    ثلاثة ما تستغربهمش في ليبيا : واحد قاص السريع على رجليه ... وواحد يسوق في الاتجاه المعاكس ... ومتعين وعمره عامين.

    ثلاثة تتمنى ما تتصبحش فيهم : سواق حافلة مستعجل ... وطابور طويل في الشيل ... ومديرة المدرسة وفيدها عصا.


    ثلاثة ما تعرفش أمت تخشلهم : السجن ... والمستشفى ... ومكب القوى العاملة.


    ثلاثة ما ليهمش معنى إلا في ليبيا : العسلوز ... والزميطة ... والعصبان .


    ثلاثة ربي يفكك منهم : مجاري مفتوحة ... وكلب مطلوق ... وبلكة طايشة .


    ثلاثة إيديرو فيهم الليبيين بس : الهروب من الأحمر... والدفال على رأس بمبلي الغاز ... وتنفيض فرشة الماكلة من الروشن

     

    الإتيكيت جواز مرورك إلي قلب المرأة
    نجيب سعد البطاينة .. قائد أردني في المقاومة الليبي...

    مدونات ذات صلة

     

    تعليقات

    مسجّل مسبقاً؟ تسجيل الدخول هنا
    لا تعليق على هذه المشاركة بعد. كن أول من يعلق.

    By accepting you will be accessing a service provided by a third-party external to https://almaze.co.uk/

    Please publish modules in offcanvas position.