بلوق الميز
تطرب انضاري وين يخطر صوبه
تطرب انضاري وين يخطر صوبه ...........ويرتاح بالي وين نشبح زوله
غالي مشيت من الطفولة ادروبه.......حال غايتي يقسم غلاه نطوله
مافيش شخص برقته واسلوبه......... مسيطر علي عقلي حفيظه المولي
الاسمر جميل النفس شي اعجوبه ......فارس منسل من اجواد اصوله
ولد ناس من روس العرب محسوبه .....نفتخر ان قلت معاه نبي جوله
نطلب الله يعجله مكتوبه اللي ......احتل جوف القلب عرضه وطوله
الغالي ربيع العمر هو محبوبه .....مسيطر علي عقلي بفعله وقوله
تجري بدمي محبته مصبوبة .....في الشريان في وسط الكنين انزوله
من الله حبه وغيته موهوبه .....يوصل الله لخاطري مرحوله
اللي بيه عقلي شيرته مدهوبه.....يرعاه ربي من الزمان وهوله
وينجيه لعيوني جميل اسلوبه.....اللي فيه معني الصدق والرجوله
عند الاشتراك في المدونة ، سنرسل لك بريدًا إلكترونيًا عند وجود تحديثات جديدة على الموقع حتى لا تفوتك.
نبذة عن الكاتب
By accepting you will be accessing a service provided by a third-party external to https://almaze.co.uk/
تعليقات